27 March 2006

“DAGDAG KAALAMAN”
on CMO Matters

      ANG DAGDAG KAALAMAN PO NATIN SA ARAW NA ITO AY TUNGKOL SA CIVIL MILITARY OPERATIONS O CMO AT KUNG ANO ANG PWEDENG GAWIN NG BAWAT ISA SA ATIN UPANG MAKATULONG SA CMO. UNA SA LAHAT, KUNG INYO PONG MATATANDAAN, ANG SANDATAHANG LAKAS NG PILIPINAS AY SUMAILALIM SA ISANG REPORMA ALINSUNOD SA RESULTA NG FELICIANO COMMISSION. ISA NA RITO AY ANG REORGANISASYON NG SANDATAHANG LAKAS NG PILIPINAS KUNG SAAN NAGKAROON NG PAGSTREAMLINE AT PAGSASAMA NG IBAT-IBANG OPISINA NA MAY MAGKAKAUGNAY NA TUNGKULIN.

      ISA NA DITO AY ANG J7 OFFICE OF THE DEPUTY CHIEF OF STAFF FOR CMO NA NAPABILANG NA NGAYON SA OJ3 (OPERATIONS) NGUNIT ANG IBANG CMO PILLARS, GAYA NG MILVED AT MILE, AY BINIGAY NA SA OJ1. ANG PAGSASAMA NG MGA OPISINA NA NABANGGIT AY INAASAHANG MAGBUNGA NG ISANG MAS MAAYOS AT MAS EPEKTIBONG PAGSASAGAWA NG MGA TUNGKULIN AT PAGPAPATUPAD NG MGA POLISIYA NA MAY KINALAMAN SA OPERASYON NG HUKBONG SANDATAHANG LAKAS NG PILIPINAS.

      PARA SA KAALAMAN NG LAHAT, ANG CMO NA DATING BINUBUO NG PITONG (7) PILLARS AY MAY TATLONG (3) PILLARS NA LAMANG. ANG TATLONG (3) PILLARS NA ITO AY ANG PSYCHOLOGICAL OPERATIONS O PSYOPS, PUBLIC AFFAIRS AT CIVIL AFFAIRS.

      ANG PSYCHOLOGICAL OPERATIONS AY MGA GAWAING NAKASENTRO SA MGA KALABAN NG ATING BANSA UPANG SIRAIN ANG KANILANG DETERMINASYONG LUMABAN. ANG PUBLIC AFFAIRS NAMAN AY ANG PAKIKIPAG-UGNAY SA IBAT-IBANG MASS MEDIA UPANG AGARANG IPARATING AT IPAALAM SA PUBLIKO ANG MGA GAWAIN NG SANDATAHANG LAKAS NG PILIPINAS AT MAPANATILING MAGANDA ANG IMAHE NG AFP. HABANG ANG CIVIL AFFAIRS AY MGA GAWAIN NA KINAPAPALOOBAN NG CIVIC ACTION AT CIVIL RELATIONS NA NAGLALAYONG MAPAGTIBAY ANG RELASYON NG SANDATAHANG LAKAS NG PILIPINAS AT NG MAMAMAYAN. MGA HALIMBAWA NG CIVIL AFFAIRS AY ANG PAGBIBIGAY TULONG SA MGA NASALANTA NG KALAMIDAD, MEDICAL/DENTAL CIVIC ACTION, PAGTULONG SA PAGGAWA NG MGA INPRASTRAKTURA NA MAKAKABUTI SA KARAMIHAN, AT PAKIKIPAG-UGNAYAN SA IBA’T IBANG AHENSYA NG PAMAHALAAN MAGING SA MGA N-G-Os AT P-Os.

      NGUNIT MAY KASABIHAN TAYO NA “THE BEST CMO IS A DISCIPLINED SOLDIER”. KATULAD NA RIN NG PAHAYAG NG ATING CHIEF OF STAFF, TUNGKULIN NG BAWAT ISA SA ATIN, KABILANG NA ANG MGA KAWANI O CIVILIAN EMPLOYEES NA MAKIBAHAGI SA MGA GAWAING MAKAKATULONG SA INTERNAL SECURITY OPERATIONS CAMPAIGN. AYON SA KANYA: “ I WOULD LIKE EVERYONE TO PARTICIPATE IN OUR I– S–O CAMPAIGN AND NOT BE MERE SPECTATORS AND WATCH FROM THE SIDELINES”. TAYO AY MAGKAROON NG PAGKUKUSA NA MAKAPAGBAHAGI, KAHIT SA SIMPLENG PAMAMARAAN LAMANG, UPANG MAKATULONG SA HUKBONG SANDATAHANG LAKAS NG PILIPINAS AT SA I – S – O CAMPAIGN. HALIMBAWA NITO AY ANG PAGKAKAROON NATIN NG DISIPLINA SAAN MAN TAYO NAROROON, MAIPAMALAS ANG MAAYOS NA PAKIKITUNGO SA ATING KAPWA O ANG PAGSUNOD SA MGA BATAS AT MGA ALITUNTUNIN. SIKAPIN NATING MAGING MABUTING EHEMPLO SA ATING PAMILYA, SA KOMUNIDAD NA ATING GINAGALAWAN AT MAGING SA ATING MGA KASAMAHAN SA TRABAHO. SA GANITONG MGA PAYAK NA PAMAMARAAN, MABUBUO NATIN ANG ISANG POSITIBONG KONSEPTO TUNGO SA MAS EPEKTIBONG PAGPAPATUPAD NG ATING KAMPANYANG PANGSEGURIDAD.

      ANG BAWAT ISA SA ATIN AY MAY MALAKING MAITUTULONG SA CMO AT SA PANGKALAHATANG I – S – O EFFORTS. HINIHIKAYAT KO ANG LAHAT, NA SA KANILANG INDIBIDWAL NA KAKAYAHAN, AY TUMULONG UPANG GUMANDA ANG IMAHE NG HUKBONG SANDATAHANG LAKAS NG PILIPINAS, AT MAPALAPIT ANG AFP SA TAO AT KOMUNIDAD.

      MARAMING SALAMAT PO.